Slowfood Reykjavík Slowfood Reykjavík
Slow Food Reykjavík samtökin halda 2 daga Slow Food hátíð í Garðskála Grasagarðs Reykjavíkur 18. & 19. október.
Skynmats vinnustofur: Bragð, lykt og áferð matarins.
Smakk vinnustofur: skyr, geitaafurðir, kartöflur og jurtakokteilar.
Hvaðan kemur maturinn okkar? Umræður við bændur og smáframleiðendur
Matartengdur ratleikur og þrautaborð.
Diskósúpa til að vekja athygli á matarsóun og leiðum til að sporna við henni, gestir taka þátt í að útbúa súpuna og kl 15:30 verður súpan klár og plötusnúður kemur til að þeyta skífum. Borðum súpuna saman ásamt veitingum frá Kaffi Flóru þar sem þetta mikilvæga umhverfismál er rætt í þaula.
Nemendur úr Hótel og Matvælaskólanum í MK fræða jafnaldra sína um mat og matartengd málefni.
Föstudagurinn 18. október
kl 16:00 Stefnumótun vörumerkis
Árni Þórður Randversson verður með vinnustofu um Stefnumótun vörumerkis, sérstaklega miðaða að frum- og smáframleiðendum. Hann er nýlega útskrifaður úr The University of Gastronomic Sciences í Pollenzo á Ítalíu, sem er Slow Food háskóli.
Laugardagurinn 19.október
kl 12:00 Hringrásarhagkerfi matvæla
Þórdís V. Þórhallsdóttir, ein af þeim sem stendur á bakvið Frískápa samfélagið.
kl 13:00 Upprunamerkt á matseðli?
Hafliði Halldórsson, Icelandic lamb ræðir um hugmyndir okkar hvaðan maturinn okkar kemur og hvernig það skiptir mál
kl 14:00 Heill heimur af sveppum
Michele Rebora & Heiða Björg Tómasdóttir, þau eru öflug í sveppatínslu og kunna margar skemmtilegar leiðir til að geyma og vinna þá.
kl 15:00 Matur á Skyggnissteini
Dagný Guðmundsdóttir segir frá hvernig hún vinnur úr villtum jurtum og ræktuðum úr matarkistunni á Skyggnissteini.
• Huldubúð
• Sólheimar sjálfbært samfélag
• ÁsaG heitar súkkulaðibombur
• R-rabarbari
• Búkonan – matarhandverk
• Breiðagerði
• Háafell Geitfjársetur
• Hrísakot
• Loki foods
• Svava Sinnep
• Krispa Fisk Snakk
• Krukkur og kruðerý
Viðburðinn er ókeypis og öllum opinn.
