Heim / Um okkur – skrá sig

Um okkur – skrá sig

Samþykktir
Slow Food í Reykjavík er í dag eina virka deild Slow Food á Íslandi. Samþykktir voru skráðar í desember 2018 og er 5 manna stjórn kosin skv. þeim.

SAMÞYKKTIR

1.gr.
Félagið heitir Slow Food í Reykjavík, deild („convivium“) innan vébanda Slow Food International á Ítalíu. Varnaþing þess er í Reykjavík.

2. gr. Tilgangur Slow Food í Reykjavík:
a) Að vinna að verkefnum Slow Food International á Íslandi.
b) Skráning og upplýsingaöflun um verðmætar afurðir og vinnsluaðferðir í útrýmingarhættu, eða sem eiga á annan hátt undir högg að sækja.
c) Styrkja samband smáframleiðenda/bænda/sjómanna við neytendur.
d) Vinna að upplýstri umræðu um umhverfismál og sjálfbærni, svo og áhrif matarvenja og framleiðslu á umhverfið og samfélagið í heild.
e) Matur á að vera: Góður, hreinn og sanngjarn eins og Slow Food International lýsir stoðum hreyfingarinnar. Vinna að slagorðum samtakanna: Matur á að vera góður, hreinn og sanngjarn.
f) Taka þátt í alþjóðastarfi Slow Food International.

3. gr.
Tilgangi sínum hyggst félagið ná með því að:
a) Halda reglulega viðburði í nafni Slow Food í Reykjavík a.m.k. annan hvern mánuð.
b) Koma hugmyndafræði og sjónarmiðum Slow Food á framfæri í fjölmiðlum og samfélagslegri umræðu.
c) Koma hugmyndafræði Slow Food að hjá ríki og sveitarfélögum sem og fyrirtækjum. Annast útgáfu á fræðsluefni.
d) Útfæra verkefni frá Slow Food International á hverjum tíma.
e) Taka þátt í vinnuhópum, nefndum, fundum um málefni sem varða jafnt matvælaframleiðslu og umhverfismál í breiðum skilningi.

4.gr.
Einstaklingar geta skráð sig í Slow Food í Reykjavík á heimasíðu félagsins og telst viðkomandi gildur félagsmaður þegar umsókn hefur verið staðfest og greidd (hægt er að greiða til 1 árs eða 3ja ára).
Félagsaðild nær einungis til einstaklinga skv. reglum Slow Food International.

5. gr.
Starfstímabil félagsins er almanaksárið. Á aðalfundi skal stjórn gera upp árangur liðins árs. Aðeins félagsmenn sem voru á félagaskrá og hafa greitt félagsgjöldin viku fyrir aðalfund hafa atkvæðarétt á aðalfundi, en aðalfundur er öllum opinn Á aðalfundi skal kjósa kjörstjórn sem sér til þess að kosningar séu lögmætar og leysir úr deilumálum ef einhver eru.

6. gr.
Aðalfund skal halda eigi síðar en 1. ágúst ár hvert og skal boða til hans með að minnst fjögurra vikna fyrirvara á heimasíðu og Facebook síðu félagsins svo og útsent fundarboð í tölvupósti til allra félagsmanna eftir því sem við verður komið. Aðalfundur er löglegur, sé rétt til hans boðað. Einfaldur
meirihluti mættra félagsmanna (eða þátttakanda ef um rafrænan aðalfund er að ræða) ræður úrslitum mála. Skriflegt fundarboð (seinna fundarboð) með dagskrá og með tillögum til lagabreytinga sem leggja á fyrir aðalfund skal senda félagsmönnum með tölvupósti eða kynna með öðrum hætti
með eigi minna en einnar viku fyrirvara.
Dagskrá aðalfundar skal vera sem hér segir:

Kosning fundarstjóra og fundarritara
Skýrsla stjórnar lögð fram
Reikningar lagðir fram til samþykktar
Lagabreytingar
Stefnumótun næsta árs
Kosning stjórnar og skoðunarmanna reikninga
Kosning kjörstjórnar
Önnur mál

Tillögur að lagabreytingum þurfa að berast stjórn tveimur vikum fyrir boðaðan aðalfund og sendar út af stjórn til kynningar með síðara aðalfundarboði til félagsmanna í síðasta lagi einni viku fyrir aðalfund. Einnig verða lagabreytingar kynntar á heimasíðu Slow Food í Reykjavík.

7.gr.
Stjórnin er skipuð fimm manns. Formaður er kosinn í sérstakri kosningu til tveggja ára. Formaður og tveir stjórnarmenn eru kosnir annað árið, en tveir stjórnarmenn hitt árið, til tveggja ára í senn. Kosning skal vera skrifleg. Stjórn fer með æðsta vald í málefnum samtakanna á milli aðalfunda og sér um að fylgja eftir samþykktum aðalfundar og lögum samtakanna. Stjórn ber ábyrgð á fjárreiðum samtakanna. Á aðalfundi skal enn fremur kjósa tvo skoðunarmenn reikninga til eins árs í senn.

8.gr.
Upphæð félagsgjalda er ákveðin af Slow Food International og sjá alþjóðasamtökin um að innheimta gjöldin. Slow Food í Reykjavík, fær hlutdeild í þeim gjöldum félagsmanna á Íslandi sem eru ákveðin af Slow Food International.

9. gr.
Rekstrarafgangi félagsins skal varið í starfsemi félagsins til að ná markmiðum þess.

10. gr
Almennur félagafundur skal boðaður af stjórn. Eins geta 25% skráðra félaga óskað eftir félagafundi. Stjórn og málefnahópar undirbúa félagafundina og auglýsa þá.

11. gr
Ákvörðun um slit félagsins skal taka á aðalfundi með aukinn meirihluta atkvæða (tvo þriðju) og renna eignir og fjármunir ef einhverjir eru til Slow Food International.

Lög þessi voru samþykkt á stofnfundi og taka gildi strax.
Dagsetning: 5.12.2018

Undirskrift stjórnarmanna:
Nöfn og kennitölur.
Dominique Plédel Jónsson 101248 2169 formaður
Dóra Svavarsdóttir 090377 3299
Hugrún Geirsdóttir 281185 2419
Gísli Matthías Auðunsson 2503892729
Gunnþórunn Einarsdóttir 161174 4089

SKRÁ SIG Í SLOW FOOD Í REYKJAVÍK

  1. Skrá sig beint í gegnum heimasíðu Slow Food International (greiðslukort) www.slowfood.com/joinus og velja “Iceland” (Nýskráning eða endurnýja)
  2. Skrá sig hjá Slow Food í Reykjavík (millifærsla):
    • reikningur: 513 26 0330
    • Kt: 541218 0330
    • senda kvittun úr heimabanka til [email protected]
    • fylla eyðublað sem verður sent við skráningu/endurnýjun (fyrir SFI)
  3. Félagsgjöldin eru (gengi í november 2019)
    • Einstaklingur 1 ár 50 € (6.800 ISK) 3 ár 140 € (19.000 ISK)
    • Hjón 1 ár 65 € (8.900 ISK) 3 ár 185 € (25.200 ISK)
    • Yngri en 30 ára 1 ár 25 € (3.500 ISK) 3 ár 40 € (5.500 ISK)





Upp