Matarást á Ítalíu, Slow Food ferð sem nærir

Slow Food á Íslandi og Viðskiptaráð Tórínó bjóða upp á einstaka ferð um Piemonte svæðið í tengslum við Terra Madre Salone del Gusto í Torino, sem er haldin 24. – 27. september.
https://2026.terramadresalonedelgusto.com/

Slow Food sælkeraferðin er tveggja daga ferð um svæði Savor Piemonte þar sem smáframleiðendur á svæðinu eru heimsóttir. Við fáum að fræðst um þeirra framleiðslu og fáum innsýn í hvernig er að vera smáframleiðandi í þessu mikla matvælahéraði Ítalíu.

Ferðin hefst í Malpensa að morgni þriðjudags 22. september og endar í Tórínó á miðvikudagskvöldið 23. september. Malpensa er alþjóðlegur flugvöllur Mílanó og bæði Easy jet og Icelandair fljúga beint.

Þriðjudagurinn 22. september

Hópurinn hittist kl. 10.00 í Malpensa (nánari staðsetning kemur inn síðar) og leggur af stað með rútu.
Heimsóknir þennan daginn eru áhugaverðar og vekja bragðlaukana. Byrjað er á heimsókn hjá hrísgrjónaræktanda og snæddur hádegisverður. Eftir hádegið verða tveir vínframleiðendur heimsóttir og skoðuð heimaverslun ásamt því að smakka framleiðslu af svæðinu.

Cascina Oschiena, hrísgrjónaræktandi
https://www.cascinaoschiena.it/index.html

Enoteca dei Vini della Provincia di Torino, vínframleiðandi
https://enotecaregionaletorino.wine/

La Palera, vínframleiðandi
https://www.lapalera.com/en/

Í lok dagsins er slakað á í fallegu umhverfi og á huggulegu hóteli Le Ali del Falco sem hópurinn hefur út af fyrir sig í sveitinni.
https://alidelfalco.com/

Miðvikudagurinn 23. september

Lagt af stað í næstu ævintýri eftir morgunmat kl. 8.30 eftir huggulega dvöl á Le Ali del Falco.

Heimsóknir þennan daginn er fjölbreyttar byrjað er á að heimsækja truffluframleiðenda svo háskólann University of Gastronomic Sciences of Pollezo (UNISG) þaðan er farið og heimsótt býli sem ræktar grænmeti og ávexti. Í lok dags býður Viðskiptaráð Tórínó okkur upp á kvöldverð á veitingastaðnum Mille í Tórínó.

Tartuflanghe, truffluframleiðandi
https://tartuflanghe.com/

University of Gastronomic Sciences of Pollenzo (UNISG)
https://www.unisg.it/

Cascina Fiume, grænmetis-og berjaræktun og framleiðsla
https://www.cascinafiume.it/

Mille Restaurant í boði að Viðskiptaráði Tórínó
https://millerestaurant.it/

Á miðvikudagskvöldið eru síðan allir á sínum eigin vegum með gistingu í Tórínó.

Upplifðu Piemonte svæðið á einstakan hátt, með fólki sem elskar mat og matarupplifun. Verð fyrir þessa ferð er 69.000.- á manninn, staðfestingargjald 20.000.-. Hægt að óska eftir að bæta við gistingu í Malpensa aðfaranótt þriðjudags en það er ekki innifalið og greiðist sérstaklega fyrir það.

Innifalið í ferðinni:

Heimsóknir til framleiðenda 22. og 23. september
Hádegis og kvöldverðir 22.og 23. september
Gisting á Le Ali del Falco 22. september
Rúta 22. og 23. september

Við hjá Slow Food á Íslandi og Viðskiptaráð Tórínu viljum bjóða þig/ykkur velkomin í þetta bragðferðalag með okkur.

Þórhildur María Jónsdóttir, matreiðslumeistari og ferðamálafræðingur verður fararstjóri í þessari ferð. Hún hefur tvisvar farið á Terra Madre Salone del Gusto í Tórínó og fyrir tveim árum fór hún með hóp í fræðsluferð um Piemonte svæðið. Í haust verða nýir framleiðendur og bændur heimsóttir.

Hluti af íslendingahópnum heldur til á Best Western Crystal Palace Hotel https://www.hotelcrystalpalace.it/en/ sem er rétt við hliðina á Torino Porta Nuova lestarstöðinni á meðan Terra Madre Salone del Gusto hátíðinni stendur.

Hægt er að skrá þátttöku hér í Slow Food ferð til Savor Piemonte 22.-23.september
https://docs.google.com/…/1FAIpQLSdEX69puPoHkY…/viewform

Hægt er að fá nánir upplýsingar á [email protected] eða hjá farastjóra [email protected] eða í síma 863 6355

Takmarkað sætaframboð í þessa ferð.

Verið velkomin.

Slow Food á Íslandi og Viðskiptaráð Tórínó